Afi Gylfi

Sælir kæru bloggvinir,

ég hef svosem ekkert að segja...langaði að skrifa niður textana af uppáhaldslögum hans afa míns Gylfa Magnússyni 

 

Þú komst í hlaðið.

 

Þú komst í hlaðið á hvítum hesti,

þú komst með vor í augum þér.

Ég söng og fagnaði góðum gesti

og gaf þér hjartað í brjósti mér.

 

Ég heyri álengdar hófadyninn,

ég horfi langt á eftir þér.

og bjart er alltaf um besta vininn

og blítt er nafn hans á vörum mér.

 

Þó liði dagar og líði nætur,

má lengi rekja gömul spor.

Þó kuldinn næði um daladætur,

þá dreymir allar um sól og vor.

 

Ísland er land þitt.

 

Ísland er land þitt og ávallt þú geymir

Ísland í huga þér hvar sem þú ferð

Ísland er land þitt sem ungann þig dreymir

Ísland í vonanna birtu þú sérð

Ísland í sumarsins algræna skrúði

Ísland með blikandi norðljósa traf

Ísland að feðranna afrekum hlúði

Ísland er fodlin sem lífið þér gaf.

 

Ísland er þjóðin sem arfinn þinn geymir 

Íslensk er tunga þín skír eins og gull

Íslensk er sú lind sem æðar þér streymir

Íslensk er vonin af bjartsýni full.

Íslensk er vornóttin albjört sem dagur

Íslensk er lundin með karlmennskuþor.

Íslensk er vísan hinn íslenski bragur.

Íslensk er trúin á frelsisins vor.

 

Ísland er land þitt því aldrei skal gleyma 

Íslandi helgar þú krafta og starf

Íslenska þjóð þér er ætlað að geyma 

Íslenska  tungu hinn dýrasta arf.

Ísland sé blessað um aldanna raðir 

Íslenska moldin er lífið þér gaf

Ísland sé falið þér eilífri faðir.

Ísland sé frjáls með sól gyllir haf.

 

 

 

 

Athugasemdir

[Þorvaldur Ágústsson (IP-tala skráð) 5.8.2010 kl. 22:14]

        Sæl Ragga mín.

  Fallegt af þér að minnast afa þíns með þessum hætti. Myndin af ykkur er flott.

     Kveðja til ykkar. 

                                Þorvaldur Ágústsson.

[Ragnhildur Pálsdóttir, 6.8.2010 kl. 13:11]

Þakka þér elsku Þorvaldur minn.

Mér þykir vænt um að heyra það :)

[Guðfinnur Þorvaldsson, 7.8.2010 kl. 22:33]

Falleg lög, góð leið til að minnast hans :)

[Guðríður Pétursdóttir, 8.8.2010 kl. 15:27]

Æðisleg mynd af ykkur..

Og fallegur texti við falleg lög.